Պեսկովը կոշտ է արձագանքել Ուկրաինայի նոր գլխավոր հրամանատարին. «Պատասխան կտա իր խոսքերի համար»

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Ուկրաինայի զինված ուժերի նոր գլխավոր հրամանատար Միխալո Դրապատին պատասխան կտա ռուսաստանցիների, այդ թվում՝ Դոնբասի բնակիչների վերաբերյալ իր հնչեցրած հայտարարությունների համար։

Դրապատին ավելի վաղ Ukrainer W YouTube ալիքին տված հարցազրույցում ասել էր, որ «Ռուսաստանն իր ղեկավարությամբ հանդերձ գոյություն ունենալու իրավունք չունի»։ Հարցազրույցը նկարահանվել էր դեռևս 2023 թվականի մայիսին՝ մեկ այլ նախագծի շրջանակում, սակայն ամբողջական տարբերակը հրապարակվել է միայն 2026 թվականի հուլիսի 22-ին՝ նրա՝ Ուկրաինայի զինված ուժերի գլխավոր հրամանատար նշանակվելուց մեկ օր անց։

ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հրաժարվել է մեկնաբանել Դրապատիի հայտարարությունը՝ ընդգծելով, որ Անտոնիու Գուտերեշի դիրքորոշումն Ուկրաինայում հակամարտության խաղաղ կարգավորման հարցում մնում է անփոփոխ։

Պեսկովը նաև հայտարարել է, որ եթե խաղաղ կարգավորման հնարավորություններ չլինեն, Ռուսաստանը կշարունակի ռազմական գործողությունները։

«Խաղաղ հեռանկարների բացակայության դեպքում մենք կշարունակենք մեր հատուկ ռազմական գործողությունը մինչև լիակատար հաղթանակ», - ասել է Ռուսաստանի նախագահի մամուլի քարտուղարը։ Ըստ ՏԱՍՍ-ի՝ այս հայտարարությունը նա արել է մեկնաբանելով ստեղծված իրավիճակը։