Իրանի նոր գերագույն առաջնորդ Մոջթաբա Խամենեին լքել է երկիրը. ԶԼՄ

«Ալ Հադաթ» հեռուստաալիքի հետ զրույցում անվտանգության ոլորտի իսրայելական աղբյուրը հայտարարել է, որ Մոջթաբա Խամենեին ներկայումս գտնվում է Իրանից դուրս, իսկ նրա անունից հրապարակվող հայտարարությունները, ըստ աղբյուրի, պատրաստում են Իսլամական հեղափոխության պահապանների կորպուսի հրամանատար Վահիդին և կորպուսի այլ բարձրաստիճան ներկայացուցիչներ։

Աղբյուրի գնահատմամբ՝ Մոջթաբա Խամենեիի բացակայությունը վկայում է Իրանում կառավարման ճգնաժամի և երկրի ղեկավարության ներսում առկա խոր տարաձայնությունների մասին։

Նույն աղբյուրը նաև պնդել է, որ Թեհրանը պատրաստել էր Թել Ավիվի կենտրոնում իսրայելցի բարձրաստիճան պաշտոնյաների դեմ գործողություն՝ որպես պատասխան հանգուցյալ գերագույն առաջնորդ Ալի Խամենեիի սպանությանը։

Իսրայելական աղբյուրի պնդմամբ՝ Միացյալ Նահանգները չի ցանկանում, որ Իսրայելը մասնակցի հարձակողական գործողությունների, նույնիսկ եթե Իրանը հարվածներ հասցնի իսրայելական տարածքին։