Իսպանիայում ԱԱ-ի հաղթանակի տոնակատարության ժամանակ 13-ամյա դեռահաս է զոհվել

Սալամանկա նահանգում ֆուտբոլի աշխարհի առաջնությունում ազգային հավաքականի հաղթանակի տոնակատարության ընթացքում շատրվանի փլուզման պատճառով մեկ դեռահաս է մահացել, իսկ երեքը վիրավորվել են։

Իսպանական Սալամանկա նահանգում ֆուտբոլի աշխարհի առաջնությունում ազգային հավաքականի հաղթանակը նշելու ժամանակ շատրվանի փլուզման հետևանքով մեկ դեռահաս է զոհվել, ևս երեքը ստացել են վնասվածքներ։ Հուլիսի 20-ին այս մասին հայտնել է «Europa Press» գործակալությունը՝ հղում անելով ոստիկանության աղբյուրներին։ 

Միջադեպը տեղի է ունեցել Սյուդադ-Ռոդրիգո քաղաքում՝ հուլիսի 19-ի լույս 20-ի գիշերը։ Գործակալության տվյալներով՝ հավաքականի հաղթանակից ոգևորված երիտասարդները հավաքվել են քաղաքի շատրվանի մոտ։ Կառույցի մի հատվածը փլուզվել է, և քարերից մեկն ընկել է 13-ամյա դեռահասի վրա։ Չնայած ցուցաբերված օգնությանը՝ նրան փրկել չի հաջողվել։ Եվս երեք երիտասարդներ ստացել են վնասվածքներ և գտնվում են ծանր վիճակում։ Դեպքի հանգամանքները պարզվում են։