Ալիևը հայտարարել է, որ ռուս-ադրբեջանական հարաբերությունները լիովին կարգավորվել են

Ռուս-ադրբեջանական հարաբերություններն արդեն լիովին կարգավորվել են։ Այս մասին Ադրբեջանի նախագահ Իլհամ Ալիևը հայտարարել է այսօր անցկացված մեդիաֆորումի ընթացքում։

«Ես կցանկանայի կրկին ընդգծել, որ մենք մեծ նշանակություն ենք տալիս Ռուսաստանի հետ հարաբերություններին։ Դուք նշեցիք որոշակի դժվարությունների մասին։ Այո, մենք տեղյակ ենք դրանցից բոլորի մասին։ Բայց գլխավորն այն է, որ այս փուլն արդեն անցյալում է։ Ես կասեի, որ հարաբերությունները լիովին կարգավորվել են։ Ես կարծում եմ, որ ամեն ինչ նորմալ է զարգանում, և մենք գոհ ենք դրանից»,- ասել է Ալիևը։

Միաժամանակ վերջին շրջանում Ռուսաստանի դեսպան Միխայիլ Եվդոկիմովը կանչվել էր Ադրբեջանի արտաքին գործերի նախարարություն, որտեղ նրան նոտա էր հանձնվել։

Միաժամանակ Ալիևը հայտարարել է, որ Բաքվում լրջորեն քննարկել են ոչ միայն Եվրոպայի խորհրդի խորհրդարանական վեհաժողովում (ԵԽԽՎ) Ադրբեջանի գործունեության կասեցման հարցը, այլև Եվրոպայի խորհրդից դուրս գալու հնարավորությունը։ Նրա խոսքով՝ Եվրոպայի խորհրդի գլխավոր քարտուղար Ալեն Բերսեն խնդրել է առայժմ չշտապել նման որոշման հարցում, սակայն այդ ժամանակից ի վեր, ըստ Ալիևի, որևէ առաջընթաց չի արձանագրվել, իսկ ԵԽԽՎ-ն շարունակում է Ադրբեջանի նկատմամբ առաջադրել «անընդունելի և վերջնագրային պահանջներ»։

Ավելի վաղ Ադրբեջանի նախագահը հայտնել էր նաև, որ Ադրբեջանի տարածքով Հայաստան է փոխադրվել ավելի քան 40 հազար տոննա բեռ։