Դատաիրավական համակարգում «քաղաքական չհետապնդում» է եղել. Փաշինյանը` Ծառուկյանի կալանավորման մասին

Վարչապետ Նիկոլ Փաշինյանը հայտարարել է, որ վերջին ութ տարիներին իշխանությունները ստիպված են եղել պայքարել նաև, իր բնորոշմամբ, «դատաիրավական մաֆիայի» դեմ, ինչի հետևանքով մի շարք գործեր պատշաճ ընթացք չեն ստացել։

Նրա խոսքով՝ որոշ գործեր չեն քննվել ոչ թե պատահաբար, այլ «հանցավոր պայմանավորվածությունների» պատճառով, ինչի հետևանքով որոշ անձինք շարունակել են իրենց արտոնյալ զգալ։

«Հայաստանի ժողովրդի և կառավարության ակնկալիքն է, որ դատաիրավական համակարգը նորմալ գործի։ Երբ ասում են՝ քաղաքական հետապնդում է, ես ասում եմ՝ ընդհակառակը, մինչև վերջերս քաղաքական չհետապնդում է տեղի ունեցել, որովհետև պետական համակարգում գործող շոշափուկները նախորդ քաղաքական իշխանությունների համար պրոտեկցիոն պայմաններ են ստեղծել շատերի համար։ Դրա վերջը պետք է տրվի, այդ թվում՝ ժողովրդի տված մանդատով»,– ասել է Փաշինյանը։