Ռուսաստանի զանգվածային հարվածից հետո՝ Զելենսկու ուշագրավ հայտարարությունը

Ուկրաինական հակաօդային պաշտպանության համակարգը նախորդ գիշեր չի կարողացել հետ մղել ռուսական բալիստիկ հրթիռների հարվածը, այս մասին հայտարարել է Ուկրաինայի նախագահ Վլադիմիր Զելենսկին։

Երկուշաբթի լույս գիշերը ուկրաինական լրատվամիջոցները հաղորդել էին Կիևում տեղի ունեցած մի շարք հզոր պայթյունների մասին։ 

Ավելի ուշ Ռուսաստանի պաշտպանության նախարարությունը հայտարարել է, որ Կիևի ռեժիմի իրականացրած «ահաբեկչական հարձակումներին» ի պատասխան զանգվածային հարված է հասցվել Կիևի և Կիևի մարզի ռազմարդյունաբերական համալիրի (ՌԱՀ) և վառելիքաէներգետիկ համալիրի (ՎԷՀ) օբյեկտներին։

 Ըստ գերատեսչության՝ խոցվել է առնվազն վեց ձեռնարկություն, այդ թվում՝ անօդաչու թռչող սարքերի արտադրությամբ զբաղվող գործարաններ։