Որ պետության շահերն ես ներկայացնում․ Շիրազ Մանուկյանը՝ Ռուբեն Ռուբինյանին

Կարևոր հարցերը դեռ պատասխան չունեն, Ռուբեն։ Հանրությունը պետք է իմանա ամեն ինչ։ Այս մասին  հայտարարել է «Ուժեղ Հայաստան» կուսակցույան անդամ Շիրազ Մանուկյանը՝ դիմելով Ռուբեն Ռուբինյանին։

Նա մասնավորապես ասել է որ երբ Ադրբեջանից հնչում էին հայտարարություններ, որոնք ուղիղ կերպով սպառնալիք էին Հայաստանի Հանրապետության ազգային անվտանգությանը՝ այս հայտարարություններին պատասխաններ չեն հնչել:

«Ուրեմն ունեցել է ներքին քաղաքական կաշկանդվածություն, այլ կերպ, եթե 300 000 ադրբեջանցիների մասով մենք անդադար հիշեցնում ենք, որ այնտեղից հնչում են հայտարարություններ և Հայաստանի Հանրապետությունն անվանում են «Արևմտյան Ադրբեջան», այդ հայտարարությանը պիտի լիներ հակադարձում, եթե չի եղել, ուրեմն ցանկացած քաղաքացի կարող է իր ներսում կասկածներ ունենալ, որ անգամ Ազգային ժողովի նախկին փոխնախագահ Ռուբեն Ռուբինյանը իր ներսում ունեցել է կաշկանդվածություն։

Անգամ այսօր կարող ենք հարց հնչեցնել՝ քո քաղաքական հայացքները ադրբեջանակա՞ն են, թե թուրքակա՞ն, որովհետև եթե դու չես պատասխանել նման հայտարարություններին և չես ցանկանում պատասխանել նման հայտարարություններին, ապա դու ո՞ր պետության շահերն ես ներկայացնում»,- հայտարարել է նա։