Պետբյուջեի հարկային եկամուտները գերազանցել են 1.5 տրիլիոն դրամը

2026 թվականի առաջին կիսամյակի տվյալներով պետական բյուջե են մուտքագրվել 1 տրլն 556 մլրդ դրամի հարկային եկամուտներ և պետական տուրքեր, ինչը նախորդ տարվա նույն ժամանակահատվածի համեմատությամբ ավելի է 14.7 %-ով կամ 200 միլիարդ դրամով։

Պետական եկամուտների կոմիտեի փոխանցմամբ՝ հաշվետու ժամանակահատվածում բյուջեի հարկային եկամուտների ու տուրքերի գծով սկզբնական ծրագրված ցուցանիշը գերակատարվել է 94.2 մլրդ դրամով կամ 6.4%-ով: Բացի այդ, արձանագրված ցուցանիշը 63.7 մլրդ դրամով կամ 4.3%-ով գերազանցել է նաև ճշտված (վերանայված) պլանը: