Իրանը սպառնացել է ԱՄՆ-ին և Իսրայելին՝ Խամենեիի հրաժեշտի արարողությունից առաջ.Կոշտ պատասխան կստանաք

Իրանի «Խաթամ ալ-Անբիյա» զինված ուժերի կենտրոնական շտաբի պետ Ալի Աբդոլլահին Միացյալ Նահանգներին և Իսրայելին հորդորել է զերծ մնալ Իրանի վրա հարձակումներ գործելուց երկրի հանգուցյալ գերագույն առաջնորդ այաթոլլա Ալի Խամենեիի հրաժեշտի արարողությունների ընթացքում՝ սպառնալով կոշտ պատասխան հարվածներով։

ՏԱՍՍ-ի փոխանցմամբ՝ Ալի Աբդոլլահին հայտարարել է. «Այս մեծ և կարևոր օրերին մենք զգուշացնում ենք Իրանի թշնամիներին, նախ և առաջ Միացյալ Նահանգներին, Իսրայելին և նրանց տարածաշրջանային ու արտատարածաշրջանային դաշնակիցներին, որպեսզի ձեռնպահ մնան ցանկացած սխալ գործողություններից և հիշեն կոշտ պատասխանի մասին, որը կհետևի իրանցի ժողովրդի զավակների կողմից, որոնք ծառայում են զինված ուժերի շարքերում, մեր սիրելի հայրենիքի դեմ ցանկացած սպառնալիքի կամ ագրեսիայի դեպքում»։ Նրա այս խոսքերը մեջբերել է իրանական պետական հեռուստառադիոընկերությունը։

Հիշեցվում է, որ փետրվարի 28-ին ԱՄՆ-ի և Իսրայելի ռազմական գործողությունների հետևանքով զոհվել է գերագույն առաջնորդ այաթոլլա Ալի Խամենեին:

Թեհրանում Խամենեիի հրաժեշտի արարողությունը մեկնարկելու է հուլիսի 3-ին։ Ուրբաթ օրը կայանալիք սգո միջոցառմանը ներկա կգտնվեն առնվազն 100 երկրից ժամանած բարձրաստիճան պատվիրակություններ։