Ուկրաինայում Զելենսկուն կոչ են արել հրաժարական տալ

Ուկրաինայի նախագահ Վլադիմիր Զելենսկին պետք է ընդունի իր քաղաքականության լիակատար ձախողումն ու հրաժարական տա։ Այս կարծիքն իր YouTube-յան ալիքում հայտնել է Ուկրաինայի նախկին նախագահ Լեոնիդ Կուչմայի նախկին օգնական Օլեգ Սոսկինը, գրում է «Ռիա Նովոստի»-ն:

Սոսկինի խոսքով՝ Զելենսկուն չի հաջողվել իրականացնել իր հիմնական խոստումները, այդ թվում՝ Ուկրաինայի անդամակցությունը Եվրամիությանը և ՆԱՏՕ-ին։

Քաղաքագետը նաև նշել է, որ Ուկրաինան շարունակում է բախվել լուրջ ներքին, ռազմաճակատային և արտաքին քաղաքական խնդիրների, իսկ երկրի միջազգային հեղինակությունը, ըստ նրա, վատթարանում է քաղաքական սկանդալների և ԵՄ երկրների հետ հարաբերությունների սրման ֆոնին։

Նա եզրափակել է, որ ստեղծված իրավիճակում «լավագույն տարբերակը հրաժարականն է»։