Իրանը պատրաստ է ռազմական գործողությունների. Ղալիբաֆ

Իրանի խորհրդարանի խոսնակ Մոհամմադ-Բաղեր Ղալիբաֆը հայտարարել է, որ եթե ԱՄՆ-ը խախտի ձեռք բերված պայմանավորվածությունները, Իրանը պատրաստ է պատերազմի։

Նա նշել է, որ Պարսից ծոցում վերջին իրադարձությունները Իրանը դիտարկում է որպես հրադադարի ռեժիմի խախտում։

Ըստ նրա՝ վերջին խախտման ընթացքում թիրախավորվել են ԱՄՆ-ի ռազմաբազաները Բահրեյնում և Քուվեյթում։

Ղալիբաֆը ընդգծել է, որ Իրանը լուրջ է վերաբերվում համաձայնագրերի իրականացմանը և շարունակում է երկխոսությունը, սակայն եթե մյուս կողմը հրաժարվի իր պարտավորություններից, Իրանը պատրաստ է ռազմական գործողությունների։

«Նույնիսկ հիմա, երբ մենք բանակցություններ ենք վարում Ամերիկայի հետ, մենք չենք բանակցում ընկերոջ հետ։  Մենք բանակցություններ ենք վարում անվստահելի թշնամու հետ, որն անպայման գործողություններ կձեռնարկի մեր դեմ առաջին իսկ հնարավորության դեպքում»,- ասել է Իրանի խորհրդարանի խոսնակ Մոհամմադ-Բաղեր Ղալիբաֆը: