ՏԵՍԱՆՅՈՒԹ.Սիմոնյանը առաջին Ազգային ժողովի նախագահն է, որը պաշտոնավարել է ամբողջ ժամկետով. Ռուբինյան

ՔՊ-ի ԱԺ նոր նախագահ Ռուբեն Ռուբինյանը լրագրողների հետ զրույցում անդրադարձել է իր ընտրության արդյունքներին և նախորդ պաշտոնավարմանը։

«Թեկնածուները ներկայացրել են իրենց տեսլականը կամ փորձել են ընդգծել իրենց առավելությունները, և արձանագրվել է այն արդյունքը, որը գրանցվել է։ Ես չեմ կարող նշել՝ դա սպասելի էր, թե անսպասելի, սակայն շոյված եմ արդյունքից և վստահությունն ինձ համար խիստ պարտավորեցնող է։ Այդուհանդերձ, չեմ կարող պնդել, թե ինչ-որ բան ավելի լավ պիտի անեմ, քան նախորդ նախագահը կամ մյուս թեկնածուները։ Կարծում եմ, որ պարոն Սիմոնյանը շատ լավ Ազգային ժողովի նախագահ է եղել։ Նա, ի դեպ, առաջին Ազգային ժողովի նախագահն է, որն ամբողջ ժամկետը նախագահել է․ երբ օգոստոսին լրանա ժամկետը, Հայաստանի պատմության մեջ չի եղել Ազգային ժողովի այլ նախագահ, որը մինչև ժամկետի վերջը զբաղեցնի այդ պաշտոնը»,- ասել է Ռուբինյանը