Կարկտահարությունների դեպքերի ուսումնասիրման նպատակով աշխատանքային խումբ է ստեղծվել

ՀՀ վարչապետ Նիկոլ Փաշինյանի որոշմամբ ձևավորվել է աշխատանքային խումբ, որը կզբաղվի կարկտահարությունների դեպքերի ուսումնասիրությամբ։

Ղեկավարվելով «Կառավարության կառուցվածքի և գործունեության մասին» օրենքի 7-րդ հոդվածի 5-րդ և 16-րդ մասերով, ինչպես նաև Հայաստանի Հանրապետության կառավարության 2021 թվականի փետրվարի 25-ի N 252-Լ որոշման հավելվածի 130-րդ կետով՝ ստեղծվել է աշխատանքային խումբ։ 

Այս խմբի նպատակն է ուսումնասիրել 2026 թվականի կարկտահարության դեպքերը, հիմնավորել դրանց անկանոն (անոմալ) լինելը, գնահատել հասցված վնասների քանակական ու ֆինանսական ցուցանիշները, ինչպես նաև վերլուծել կարկտահարության վայրերում կամ դրանց մոտակայքում կարկուտ տեղալուց առաջ կամ ընթացքում հակակարկտային կայանների գործադրումն ու դրա ունեցած ազդեցությունը։