ՏԵՍԱՆՅՈՒԹ. Փաշինյանը նոր խստացումներ է նախատեսում որոշ տնտեսվարողների համար

ՀՀ վարչապետ Նիկոլ Փաշինյանը կառավարության այսօրվա նիստում հայտնեց միկրոբիզնեսի և շրջանառության հարկով աշխատողների համար նոր խստացումների մասին՝ հարցի կարգավորումը որակելով անհետաձգելի։

Գործադիրի ղեկավարի փոխանցմամբ՝ եթե տարվա ընթացքում արձանագրվի, որ միկրոբիզնեսի կամ շրջանառության հարկի դաշտում գործող տնտեսվարողը 3 անգամ չի տպել ՀԴՄ կտրոն, ապա նա 5 տարի ժամկետով կզրկվի տվյալ համակարգում գործունեություն ծավալելու իրավունքից և կտեղափոխվի բացառապես ԱԱՀ համակարգ։

«2027 թվականի հունվարի 1–ից մաքսիմալ պետք է ընդլայնված լինի դրոշմապիտակավորումը։ Այսինքն, ինչ հնարավոր է պիտակավորել, պետք է պիտակավորենք։ Այն, ինչ հնարավոր չէ դրոշմապիտակավորել, դա էլ պետք է պիտակավորենք, քանի որ նման բան չկա, որ հնարավոր չլինի դրոշմապիտակավորել»,– հայտարարեց ՀՀ վարչապետը։