Պեսկովը` Հայաստանում տեղի ունեցած ընտրությունների մասին

Կրեմլը ձեռնպահ է մնում Հայաստանում կայացած խորհրդարանական ընտրությունների պաշտոնական գնահատականից մինչև վերջնական արդյունքների հրապարակումը, սակայն արձանագրում է քվեարկության ընթացքում թույլ տրված խախտումների վերաբերյալ հաղորդումները։ Այս մասին լրագրողներին հայտնել է Ռուսաստանի Դաշնության նախագահի մամուլի քարտուղար Դմիտրի Պեսկովը:

«Ես ձեռնպահ կմնամ այս հարցով որևէ պաշտոնական մեկնաբանությունից, քանի որ Հայաստանի Կենտրոնական ընտրական հանձնաժողովի կողմից վերջնական արդյունքներ չեն հնչեցվել, մենք սպասում ենք այդ արդյունքներին», - ասել է նա:

Միևնույն ժամանակ, նա ընդգծել է, որ «մենք մանրակրկիտ արձանագրում ենք բոլոր հաղորդումները, որոնք հայտնվում են այս ընտրությունների շուրջ, այդ թվում՝ արձանագրում ենք հաղորդումներն այն բազմաթիվ խախտումների մասին, որոնք տեղի են ունեցել այս ընտրությունների ընթացքում»։