Դոնալդ Թրամփն անդրադարձել է տարածաշրջանային խաղաղության առաջընթացին

ԱՄՆ նախագահ Դոնալդ Թրամփը հայտարարել է, որ Սպիտակ տանը տեղի ունեցած հանդիպման շնորհիվ հնարավոր է եղել առաջընթաց գրանցել Հայաստանի և Ադրբեջանի միջև տևական խաղաղություն հաստատելու ուղղությամբ։

Այս մասին նշված է «Բաքվի էներգետիկ շաբաթվա» մասնակիցներին հասցեագրված ԱՄՆ նախագահ Դոնալդ Թրամփի ուղերձում։

«Ինչպես գիտեք, տարածաշրջանային էներգետիկ ինտեգրումը օգոստոսի 8-ին կայացած պատմական խաղաղության գագաթնաժողովի առանցքային հենասյուներից մեկն է։ Իմ վարչակազմը անհամբերությամբ սպասում է հունիսին այս թեմայով արդյունավետ քննարկումներին։ Միասին մենք առաջ ենք մղելու խաղաղությունը, ամրապնդելու ենք բարեկեցությունը և կառուցելու ենք ավելի վստահ ապագա ձեր տարածաշրջանի և ողջ աշխարհի համար», — նշել է Թրամփը։