19:00 Լուրերը մեկ տողով. Կրեմլից հնչած վերջնագրեր. աղմկահարույց կալանավորում և սպանության սպառնալիքներ

Անցած ժամվա լուրերը՝ հակիրճ և բովանդակային.

•«Ուժեղ Հայաստան» կուսակցության օգտին ընտրակաշառք ստանալու գործով 68-ամյա տղամարդ է կալանավորվել, իսկ իրավապահները հրապարակել են ձայնագրություններ։

•Դատախազությունը հանրային քրեական հետապնդում է հարուցել նախընտրական քարոզչությանը խոչընդոտելու և սպանության սպառնալիքներ տարածելու մեջ մեղադրվող հետախուզվող անձի նկատմամբ։

•Դատարանը վերացրել է Վազգեն Սաղաթելյանի տնային կալանքը՝ փոխարենը կիրառելով վարչական հսկողություն և արգելելով նրան հանրային խոսքով հանդես գալ։

•Էկոնոմիկայի նախարար Գևորգ Պապոյանը հայտարարել է մինչև 2026 թվականի տարեվերջ դեպի Եվրամիություն արտահանման ծավալները 4–5 անգամ մեծացնելու մտադրության մասին։

•Կրեմլի ներկայացուցիչ Դմիտրի Պեսկովը հայտնել է, որ ԵԱՏՄ-ում Հայաստանի գտնվելու հետ կապված բոլոր նրբությունները կմշակվեն մինչև դեկտեմբեր։

•Ճապոնիային մոտեցող հզոր թայֆունի պատճառով երկրում արդեն չեղարկվել է առնվազն 290 ավիաչվերթ, իսկ իշխանությունները զգուշացնում են նոր սահմանափակումների մասին։