09:00 Լուրերը մեկ տողով. Հրդեհ՝ Բաքվում. YouTube-ը՝ Հայաստանում. Կոռուպցիոն սկանդալներից մինչև բենզինի գնի նվազում. ինչ է կատարվում աշխարհում

Անցած ժամվա լուրերը՝ հակիրճ և բովանդակային.

•Հայաստանի կրթական հաստատություններում քաղաքական քարոզչության վերաբերյալ ստացված ահազանգերը կուղարկվեն դատախազություն։

•ԲԴԽ-ն խիստ նկատողություն է հայտարարել դատավոր Մեխակ Գևորգյանին՝ որդեգրման գործընթացում թույլ տված իրավական խախտումների համար։

•Ռուսաստանի հայերի միությունում սպասվում է նախագահի փոփոխություն, և այժմ քննարկվում է հայտնի ակադեմիկոսի թեկնածությունը. «Փաստ»: 

•Ուկրաինայի նախագահի գրասենյակի նախկին ղեկավարը կասկածվում է շինարարական ծրագրերում խոշոր չափերի գումարների լվացման մեջ։

•ԱՄՆ նախագահը հայտարարել է բենզինի հարկի նվազեցման մտադրության մասին՝ վառելիքի գների աճը մեղմելու նպատակով։

•Ամերիկյան խոշորագույն տեխնոլոգիական ընկերությունների ղեկավարները նախագահի հետ կմեկնեն Չինաստան՝ նոր գործարքներ կնքելու համար։

•Թուրքիայում նախաձեռնվում է նոր սահմանադրության ընդունում, որը կարող է թույլ տալ գործող նախագահին առաջադրվել հաջորդ ժամկետում։

•Բաքվի պահեստներից մեկում ուժգին հրդեհ է բռնկվել, որի մարման աշխատանքներին ներգրավված են արտակարգ իրավիճակների ուժերը։

•Հայաստանում YouTube-ի գործընկերային ծրագիրը պաշտոնապես մեկնարկել է, ինչի շնորհիվ մոնետիզացիան դարձել է հասանելի։

•Հանրապետությունում սպասվում է ջերմաստիճանի նվազում, ինչպես նաև կարճատև անձրևներ, ամպրոպ և քամու ուժգնացում։