Տնտեսություն

Էդգար Մկրտչյանն ընդունել է Ասիական զարգացման բանկի պատվիրակությանը

Էդգար Մկրտչյանն ընդունել է Ասիական զարգացման բանկի պատվիրակությանը
ՀՀ ֆինանսների նախարարությունից հայտնում են, որ նախարարի տեղակալ Էդգար Մկրտչյանը հանդիպել է Ասիական զարգացման բանկի (ԱԶԲ) գործադիր տնօրենի տեղակալ Լևելին Ռոբերթսի գլխավորած պատվիրակության հետ…

ՀՀ ֆինանսների նախարարությունից հայտնում են, որ նախարարի տեղակալ Էդգար Մկրտչյանը հանդիպել է Ասիական զարգացման բանկի (ԱԶԲ) գործադիր տնօրենի տեղակալ Լևելին Ռոբերթսի գլխավորած պատվիրակության հետ:


Ողջունելով բարձրաստիճան հյուրերին՝ Էդգար Մկրտչյանը կարևորել է ԱԶԲ-ի հետ ավելի քան քսան տարի տևող արդյունավետ գործակցությունը: Նա առանձնահատուկ ընդգծել է ԱԶԲ-ի՝ որպես «գիտելիքի բանկի» կողմից տրամադրվող մասնագիտական խորհրդատվությունն ու ընթացիկ բարեփոխումներին ցուցաբերվող տեխնիկական աջակցությունը:


Կողմերը հանդիպման ընթացքում անդրադարձել են ինչպես Հայաստանում ընթացող ԱԶԲ ծրագրերին, այնպես էլ ապագա նախագծերին: Կենսական նշանակություն ունեցող մի շարք նախաձեռնությունների թվում քննարկվել է «Հարկաբյուջետային կայունության և ֆինանսական շուկաների զարգացման» 3-րդ ծրագրի մեկնարկը, որն ուղղված է երկրի տնտեսական և հարկաբյուջետային բարեփոխումների խորացմանը: Բացի այդ, խոսվել է նոր կնքվելիք «Սեյսմիկ անվտանգության բարելավման 3-րդ ծրագրի» մանրամասների մասին:


Հանդիպման ավարտին կողմերը կրկին փաստել են պատրաստակամությունը՝ շարունակելու սերտ գործակցությունը Հայաստանի տնտեսական կայունության ամրապնդման և զարգացման ռազմավարական օրակարգի առաջմղման նպատակով:


Նմանատիպ հոդվածներ

Ավելին Տնտեսություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8194) Միջազգային (3558) ԱՄՆ (2390) Ռուսաստան (2302) Իրան (1800) Ընտրություններ (1285) Ուկրաինա (935) Երևան (823) Իսրայել (769) Ադրբեջան (685) Փաշինյան (613) Եվրոպա (534) Ազգային ժողով (519) Ընդդիմություն (500) Թրամփ (461)

Radio Aurora

Լսել Radio Aurora

Գովազդային տարածք

300x250