Դա խենթության եզրին հայտարարություն է. Պեսկով

Ռուսաստանի նախագահի մամուլի քարտուղար Դմիտրի Պեսկովը «խենթության եզրին» է որակել Կալինինգրադի վրա հարձակում գործելու վերաբերյալ Լիտվայի կոչը։

Նախքան այս, Լիտվայի արտաքին գործերի նախարար Կյաստուտիս Բուդրիսը պնդել էր, թե Հյուսիսատլանտյան դաշինքն իբր տիրապետում է «միջոցների», որոնք կարող է օգտագործել Կալինինգրադի մարզում գտնվող ՌԴ ռազմական ենթակառուցվածքների դեմ։ «Դա խենթության եզրին հայտարարություն է», - «Վեստի» լրատվական համակարգի հեղինակ Պավել Զարուբինին ասել է Պեսկովը։