22 տարվա դադարից հետո «Արսենալը» հռչակվեց Անգլիայի չեմպիոն

Անգլիայի Պրեմիեր լիգայի 37-րդ տուրում «Բորնմուտը» սեփական դաշտում 1-1 հաշվով ոչ-ոքի է խաղացել «Մանչեսթեր Սիթիի» հետ:

Հանդիպման 39-րդ րոպեին տանտերերի կազմում գոլի հեղինակ է դարձել Էլի Ժունիոր Կրուպին, իսկ հյուրերը կարողացել են խուսափել պարտությունից միայն մրցավարի ավելացրած ժամանակում. 90+5-րդ րոպեին պատասխան գնդակն է խփել Էռլինգ Հալանդը: Այս գոլով հանդերձ, գրանցված ոչ-ոքի արդյունքը վճռորոշ է դարձել չեմպիոնության համար մղվող պայքարում. «Մանչեսթեր Սիթին» ապահովել է 78 միավոր և զրկվել տիտղոսը պաշտպանելու տեսական բոլոր շանսերից: 

Արդյունքում, առաջնության ավարտից մեկ տուր առաջ Լոնդոնի «Արսենալը», որը 82 միավորով գլխավորում է մրցաշարային աղյուսակը, դարձել է անհասանելի հետապնդողների համար և 22 տարվա ընդմիջումից հետո պաշտոնապես հռչակվել Անգլիայի չեմպիոն: