Էդուարդ Սպերցյանը վնասվածք է ստացել

Հայաստանի ազգային հավաքականի և «Կրասնոդարի» ավագ Էդուարդ Սպերցյանը մեջքի վնասվածքի պատճառով փոխարինվել է Մոսկվայի «Դինամոյի» հետ հանդիպման ժամանակ։

Ռուսաստանի Պրեմիեր լիգայի 29-րդ տուրի շրջանակում Մոսկվայում կայացած մրցավեճն ավարտվել է «Կրասնոդարի» պարտությամբ՝ 1-2 հաշվով։ Ռուսական ակումբի գլխավոր մարզիչ Մուրադ Մուսաևը պարզաբանել է հայ կիսապաշտպանի փոխարինման հանգամանքները։

Անդրադառնալով Սպերցյանի առողջական վիճակին՝ Մուսաևը հայտնել է. «Էդիկը մեջքի հետ կապված խնդիրներ ունի: Նա հերոսական բնավորություն դրսևորեց այս խաղում»։ Մարզիչի այս խոսքերը մեջբերել է «Матч ТВ»-ն։

Հայ ֆուտբոլիստը դաշտը լքել է հանդիպման 83-րդ րոպեին։ Մինչ փոխարինվելը Սպերցյանը հասցրել էր դառնալ պատմական գոլային փոխանցման հեղինակ։