ՀԱՊԿ-ն ու ՆԱՏՕ-ն՝ «մեկ բեմում»․ Ղրղզստանն ու Թուրքիան միասին զորավարժություն են անցկացրել

Ղրղզստանը, որը ՀԱՊԿ անդամ է, և Թուրքիան՝ ՆԱՏՕ-ի անդամ, համատեղ ռազմական զորավարժություններ են անցկացրել Էգեյան ծովում։

Զորավարժությունների հիմնական նպատակը միջազգային ռազմական համագործակցության ամրապնդումն ու տարբեր երկրների բանակների միջև փորձի փոխանակումն է։

Նախապատրաստական փուլում կազմակերպվել է 28 ուսումնական վարժանք՝ նվիրված ժամանակակից մարտավարական մեթոդներին և նոր տեխնոլոգիաների կիրառմանը։

Այս պահին մասնակիցները պատրաստվում են միջազգային զորավարժությունների ակտիվ փուլին։