Գուրգեն Սիմոնյանը հայտարարություն է տարածել

Հայաստանի շնորհապետական կուսակցության առաջնորդ Գուրգեն Սիմոնյանը հանդես է եկել հայտարարությամբ. Դադարե՛ք արցախահայերի հետապնդումները և անպարկեշտ խոսույթը նրանց հասցեին։Ազատ արձակե՛ք Արտուր Օսիպյանին։Լիովին կիսում եմ Արտուրի տեսակետը, փայլուն տիրապետում է արցախյան հարցին, բանակցային գործընթացին և տեղի ունեցած հանցագործությունների հիմքերին։

Նա իմ ընկերն է, բացառիկ հայրենասեր, ազնիվ և անձնվիրաբար հայրենիքին ծառայող անհատականություն։Նա չի զոհվել զուտ պատահականությամբ, բախտի բերմամբ, այնպես, ինչպես ես, ինչպես մեր շատ մարտական քույրեր և եղբայրներ։Արտուրին անհապաղ ազատ արձակեք, նրա վարքի և խոսույթի մեջ հանցակազմ չկա, նա հալածվում է քաղաքական հայացքների համար, դուք ձեր գործողություններով թաղում եք Հայաստանում ժողովրդավարության համակարգայնացման վերջին հույսը։

ՀԳ. Արտուրը անձնագրով ԱրՏուր է։ Շատ լավ գիտեմ այդ անվան ճշգրիտ գրելու ձևը։