Փաշինյանի խիզախության շնորհիվ երթուղին բացվում է. Ուրսուլա ֆոն դեր Լայեն

Եվրոպական հանձնաժողովի նախագահ Ուրսուլա ֆոն դեր Լայենը Երևանում հայտարարել է, որ Հայաստանն ու Եվրոպական միությունը գտնվում են մերձեցման աննախադեպ փուլում։

Երևանյան այցի շրջանակում Եվրոպական հանձնաժողովի նախագահ Ուրսուլա ֆոն դեր Լայենը նշել է, որ Հայաստանի և Եվրոպական միության հարաբերություններն այժմ ավելի մոտ են, քան երբևէ եղել են։ Նա շեշտել է, որ Նիկոլ Փաշինյանի ցուցաբերած խիզախության արդյունքում հնարավորություն է ստեղծվում բացել դեպի Կենտրոնական Ասիա տանող երթուղին։

«Դրա միջոցով Հայաստանը կարող է դառնալ տարածաշրջանային կենտրոն, Եվրոպան պատրաստ է օժանդակել»,- ընդգծել է Ուրսուլա ֆոն դեր Լայենը։

Հանձնաժողովի նախագահի պնդմամբ՝ Նիկոլ Փաշինյանը զբաղվում է հին վերքերի դարմանմամբ, և իրենք նպատակ ունեն աջակցել խաղաղության գործընթացին։