19:00 Լուրերը մեկ տողով. Ողբերգական պայթյուն. ձերբակալություններ՝ Արթիկում

Անցած ժամվա լուրերը՝ հակիրճ և բովանդակային.

•Արթիկում քրեական վարույթ է նախաձեռնվել և երկու քաղաքացի է ձերբակալվել հանրահավաքին մասնակցելու նպատակով մարդկանց գումարով հավաքագրելու և տեղափոխելու կասկածանքով: Իրավապահները պարզում են ընտրակաշառքի և նախնական համաձայնության բոլոր հանգամանքները:

•Կենտրոնական ընտրական հանձնաժողովն իր հերթական նիստում ուժը կորցրած է ճանաչել պատգամավորի 18 թեկնածուի գրանցումը: Որոշումն ընդունվել է տարբեր կուսակցությունների ընտրական ցուցակներում ընդգրկված անձանց ներկայացրած ինքնաբացարկի դիմումների հիման վրա:

•«Ուժեղ Հայաստան» կուսակցության խորհրդի անդամ Նարեկ Կարապետյանը հերքել է, թե ինքը Ռուսաստանի քաղաքացի է։

•Ազգային Ժովոի նախագահ Ալեն Սիմոնյանը փաստաթուղթ է հրապարակել կից գրելով՝ Նարեկ Կարապետյանը ՌԴ քաղաքացի՞ է: 
 

•Էն, որ կալուգացի օլիգարխը օտարերկրյա հատուկ ծառայութունների գործակալ է, նրա կուսակցությունը գործակալական ցանց է: Այս մասին քարոզարշավի ժամանակ հայտարարել է վարչապետ Նիկոլ Փաշինյանը: 
 

•Դամասկոսի քրիստոնեական թաղամասի շրջակայքում ինքնաշեն պայթուցիկ սարքի գործարկման հետևանքով սակրավոր է զոհվել: Սարքի տեղափոխման ժամանակ որոտացած պայթյունից վիրավորում են ստացել նաև խմբի մյուս մասնագետները:

•Հարավային Կորեայի նախագահը Ճապոնիայի վարչապետի հետ հանդիպմանը վերահաստատել է Սեուլի դիրքորոշումը երկու Կորեաների խաղաղ գոյակցության վերաբերյալ: Կողմերը խորացված քննարկումներ են անցկացրել Կորեական թերակղզում տիրող ներկայիս իրադրության շուրջ։