Հրազդանի Մեծ կամրջի հիմնանորոգումը շարունակվում է

Հրազդանի Մեծ կամրջի հիմնանորոգման աշխատանքները շարունակվում են։ Այս մասին հայտնել է Երևանի քաղաքապետարանը։

Աշխատանքների առաջնային նպատակը կամրջով անվտանգ երթևեկության վերականգնումն էր։ Դրանից հետո շինարարական աշխատանքները տեղափոխվել են երթևեկելի գոտուց դուրս գտնվող հատվածներ։

Այս պահին իրականացվում են կամրջի թռիչքային կամարի և հենարանների վնասված հատվածների ամրացման աշխատանքներ։

Վերականգնվում են նաև կամրջի թուջե բազրիքները և իրականացվում են այլ շինարարական աշխատանքներ։

Երևանի քաղաքապետարանի փոխանցմամբ՝ Հրազդանի Մեծ կամրջի հիմնանորոգման ամբողջական նախագիծը նախատեսվում է ավարտել մինչև տարեվերջ։