Ադրբեջանը հետևում է Հայաստանում ընթացող լարված պայքարին. Բայրամով

Հայաստանը գտնվում է քաղաքական կարևոր գործընթացի շեմին։ Շուտով Հայաստանում խորհրդարանական ընտրություններ են անցկացվելու։ Այս ընտրությունների արդյունքը կորոշի Հայաստանի ապագան և երկրի անցումը զարգացման հաջորդ փուլ։  APA գործակալության փոխանցմամբ, այս մասին լրագրողներին հայտնել է Ադրբբեջանի արտգործնախարար Ջեյհուն Բայրամովը։

«Լարված պայքար է ընթանում, և տարբեր խմբեր օգտագործում են տարբեր գործիքներ դրան հասնելու համար։ Ցավոք, Հայաստանում, հայկական քաղաքական շրջանակներում, դեռևս կան անհատներ, որոնք ունեն ռևանշիստական ​​մտածելակերպ Ադրբեջանի նկատմամբ, և նրանք հենց այս գիծն են ցուցադրում ընտրարշավի ընթացքում՝ բացահայտ մեղադրանքներ հնչեցնելով։ Իհարկե, մենք հասկանում ենք, որ սա չի կարող որևէ դրական արդյունքի հանգեցնել Հայաստանի համար։ 

Ադրբեջանի կառավարությունը միշտ ուշադիր հետևում է այս գործընթացներին։ Տարբեր խմբերի հայտարարությունները գնահատելիս մենք մեր քաղաքականությունը հիմնում ենք, առաջին հերթին, Ադրբեջանի ազգային շահերի վրա, որ Ադրբեջանը լինի ուժեղ և հզոր պետություն և միշտ առաջ շարժվի որպես տարածաշրջանի առաջատար։ Ես վստահ եմ, որ այդպես էլ կլինի», – նշել է  Ադրբբեջանի արտգործնախարար Ջեյհուն Բայրամովը։

Հիշեցնենք` Ադրբեջանի արտաքին գործերի նախարար Ջեյհուն Բայրամովը ավելի վաղ հայտարարել էր, որ Հայաստանի կառավարության ձևավորումը պայմանավորված է լինելու առաջիկա ընտրությունների արդյունքներով։