ՏԵՍԱՆՅՈՒԹ. Անհանգստություն ունեմ` դա կարող է բացել 300,000 ադրբեջանցիների մուտքը Հայաստան. Սամվել Կարապետյան

Հայերը միշտ եղել են հյուրասեր ժողովուրդ, նախկինում էլ եղել են շատ միջազգային համաժողովներ, և այլ առիթներով հյուրընկալել են միջազգային խոշոր կազմակերպությունների, շատ երկրների ղեկավարների, բայց ինձ անհանգստացնում է, որ այս համաժողովը նվիրված է փոքրիկ խմբակին, որը ընդամենը մեկ ամսվա կյանք ունի իշխանավարելու, մեր բարեկամ երկրներից պաշտպանելու համար, նախընտրական մեկ նկար ստանալու համար ես անհանգստություն ունեմ, որ խարխլվելու է տարածաշրջանային բալանսը, և մեր ժողովուրդը կարող է դրա համար վճարել: Այս մասին ասել է «Ուժեղ Հայաստան» կուսակցության առաջնորդ Սամվել Կարապետյանը՝ խոսելով Եվրոպական քաղաքական համայնքի համաժողովի՝ Հայաստանում անցկացնելու մասին։

«Նույնպես անհանգստություն ունեմ, որ դա կարող է բացել 300,000 ադրբեջանցիների մուտքը Հայաստան:

Մեր ժողովրդին առաջին հերթին անհանգստացնում են անվտանգային խնդիրները և իրենց կյանքի բարեկեցությունը, իսկ ինձ անհանգստացնում է երկրի աղքատության մակարդակը և դրանք հաղթահարելու ճանապարհները, որոնք մենք ցույց ենք տվել»,- նշել է  «Ուժեղ Հայաստան» կուսակցության առաջնորդ Սամվել Կարապետյանը։