Ադրբեջանով Հայաստան է տեղափոխվել բեռների նոր խմբաքանակ

Ռուսաստանի Դաշնությունից Ադրբեջանի տարածքով Հայաստան է փոխադրվել հերթական բեռնախմբաքանակը։

Ադրբեջանական լրատվամիջոցների փոխանցմամբ՝ Բիլաջարի կայարանից դեպի Բոյուք-Քեսիկ ուղղությամբ ուղարկվել է 279 տոննա հացահատիկով բեռնված չորս վագոն և 203 տոննա պարարտանյութով երեք վագոն։

Ըստ հրապարակված տվյալների՝ մինչ այժմ Ռուսաստանից Ադրբեջանի տարանցիկ ուղիով Հայաստան է հասցվել ավելի քան 25,000 տոննա հացահատիկ, 1,600 տոննայից ավելի պարարտանյութ և 68 տոննա հնդկացորեն։ Բացի տարանցիկ փոխադրումներից, նշվում է նաև Ադրբեջանից Հայաստան նավթամթերքի արտահանման մասին։