Օրբանը հրաժարվում է պատգամավորական մանդատից

Հունգարիայի վարչապետի պաշտոնը լքող Վիկտոր Օրբանը հայտարարել է, որ չի մասնակցի նոր գումարման խորհրդարանի աշխատանքներին և վերադարձնում է իր մանդատը։

Ավելի վաղ սոցիալական ցանցերում արված հայտարարության մեջ քաղաքական գործիչը նշել է, որ «Ֆիդես» և ՔԴԺԿ կոալիցիայի ցուցակով ստացած մանդատը փաստացի պատկանում է կուսակցությանը։ Օրբանն իր որոշումը հիմնավորել է նրանով, որ ներկայում իր ներկայությունն անհրաժեշտ է ոչ թե օրենսդիր մարմնում, այլ ազգային շարժման վերակազմավորման գործում։ 

Միևնույն ժամանակ, ընտրություններում հաղթած «Տիսա» կուսակցության առաջնորդ Պետեր Մադյարը, ով վարչապետի պաշտոնը կստանձնի մայիսի 9-ին, արդեն իսկ մտադիր է չեղարկել նախորդ կառավարության որոշումները։ Մասնավորապես, Մադյարը պատրաստվում է կասեցնել Միջազգային քրեական դատարանից (ՄՔԴ) դուրս գալու գործընթացը։ Այս գործընթացը Օրբանը նախաձեռնել էր 2025 թվականի ապրիլին՝ ի պաշտպանություն Իսրայելի վարչապետ Բենիամին Նեթանյահուի, որին ձերբակալելու օրդեր էր տվել ՄՔԴ-ն։