Պետք է իմանալ ճշմարտությունը, այն լինում է ցավոտ. Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան անընդունելի է որակել Իսրայելի վարչապետ Բենիամին Նեթանյահուի խոսքերը՝ Իրանից բխող «միջուկային հոլոքոստի» սպառնալիքը վերացնելու վերաբերյալ։

ՌԴ արտաքին գործերի նախարարության խոսնակ Մարիա Զախարովան անթույլատրելի է համարել Իսրայելի կառավարության ղեկավար Բենիամին Նեթանյահուի պնդումն այն մասին, թե իր պետությունն իբր չեզոքացրել է Իրանի կողմից սպասվող «միջուկային հոլոքոստի» վտանգը։

«Դա անընդունելի է, որովհետև առաջին հերթին, ինչպես ինձ է թվում, դա վնասում է նրանց, ում ցանկանում են պաշտպանել։ Չի կարելի պաշտպանել՝ աղավաղելով սեփական ժողովրդի ողբերգական պատմությունը։ Պետք է իմանալ ճշմարտությունը։ Այն լինում է ծանր։ Այն լինում է անտանելի ցավոտ։ Այն լինում է տարբեր։ Բայց պետք է այն իմանալ, այլ ոչ թե ընթացքում վերաձևել քաղաքական նպատակների համար»,- նշել է Զախարովան: