Ավարտվում է ԱՄՆ-Իրան հրադադարի ժամկետը. Թրամփը որոշում է կայացրել

ԱՄՆ նախագահ Դոնալդ Թրամփի փոխանցմամբ՝ վաղն ավարտվող Իրանի հետ հրադադարի ժամանակավոր համաձայնագիրը մեծ հավանականությամբ չի երկարաձգվելու։

«Բլումբերգ» գործակալության հետ զրույցում ԱՄՆ նախագահը նշել է, որ իր կողմից փաստաթղթի երկարաձգումը ծայրահեղ քիչ հավանական է։ Թրամփը շեշտել է, որ իրեն չեն կարող ստիպել Թեհրանի հետ ստորագրել «ոչ շահավետ» գործարք։ Նա նաև հավելել է, որ Միացյալ Նահանգները չեն վերացնի Իրանի շրջափակումը, քանի դեռ խաղաղության համաձայնագիր չի կնքվել։

«Պի-Բի-Էս» հեռուստաալիքին տված հարցազրույցում Թրամփն այսօր հայտարարել է, որ համաձայնագրի չերկարաձգման պարագայում Վաշինգտոնն Իրանի դեմ «շատ ռումբեր կկիրառի»։