Իրանը չի հաստատել բանակցությունների վերաբերյալ տեղեկությունը

Դոնալդ Թրամփի հայտարարությունից ժամեր անց Պակիստանն ու Իրանը դեռ չեն հաստատել բանակցությունների երկրորդ փուլի վերաբերյալ տեղեկությունը։

ԱՄՆ նախագահ Դոնալդ Թրամփը հայտարարել էր, որ բանակցող կողմերը երկուշաբթի օրը կժամանեն Պակիստան՝ Իրանի հետ քննարկումների նոր փուլ սկսելու նպատակով։ Սակայն ոչ Իրանի իշխանությունները, ոչ էլ հյուրընկալող երկիրը՝ Պակիստանը, չեն հաստատել նշված տեղեկությունը, փաստում է գործակալությունը։

Չնայած պաշտոնական հաստատման բացակայությանը, Պակիստանը շարունակում է ակտիվ դիվանագիտական շփումները։ Երկրի վարչապետը 45 րոպե տևողությամբ հեռախոսազրույց է անցկացրել Իրանի նախագահի հետ, իսկ արտաքին գործերի նախարարը խորհրդակցել է իր իրանցի գործընկերոջ հետ։ Իսլամաբադում արդեն մեկնարկել են անվտանգության միջոցառումների ուժեղացման աշխատանքները, սակայն բանակցությունների մեկնարկի մասին առայժմ հայտարարել է միայն Թրամփի վարչակազմը։