Իրանի ԱԳՆ-ի սպառնացող հայտարարությունը

Իսլամական Հանրապետության արտաքին գործերի նախարարության խոսնակ Էսմայիլ Բաղային շեշտել է, որ Իրանը չի ընդունում սեփական ազգային շահերի պաշտպանությանը վերաբերող որևէ վերջնագիր։ Մամուլի ասուլիսի ընթացքում նա նշել է, որ ազգային շահերի պաշտպանությունը կիրականացվի այնքան ժամանակ, որքան դրա կարիքը կլինի։ Բաղայիի խոսքով՝ Միացյալ Նահանգների կամ սիոնիստական ռեժիմի կողմից հնարավոր ցանկացած նոր արկածախնդրության պարագայում երկրի զինված ուժերը կտան հզոր պատասխան։

«Իրանի Իսլամական Հանրապետությունը չի ընդունում ոչ մի վերջնագիր, որը վերաբերում է իր ազգային շահերի պաշտպանության ոլորտին։ Ազգային շահերի պաշտպանությունը կշարունակվի այնքան ժամանակ, որքան անհրաժեշտ կլինի, և ԱՄՆ-ի կամ սիոնիստական ռեժիմի կողմից ցանկացած նոր արկածախնդրության դեպքում զինված ուժերը հզոր պատասխան կտան», - ասել է նա։