Իրանցիները ուժին չեն ենթարկվում. Փեզեշքիան

Իրանի նախագահը հայտարարել է, որ Իրանի ժողովուրդը չի ենթարկվում ուժի կիրառմանը։

Իրանի նախագահ Մասուդ Փեզեշքիանն ընդգծել է, որ կառուցողական երկխոսություն սկսելու համար անհրաժեշտ հիմքը ստանձնած պարտավորությունների կատարումն է։ 

Նրա խոսքով՝ Իրանը շարունակում է խորը պատմական անվստահություն տածել ԱՄՆ կառավարության վարքագծի հանդեպ։ 

Նախագահը նշել է, որ ամերիկացի պաշտոնյաների կողմից հնչող հակասական ու ոչ կառուցողական ազդակները բացասական ուղերձ են փոխանցում։ Ըստ Փեզեշքիանի՝ այդ գործողությունները վկայում են Իրանի կապիտուլյացիային հասնելու ձգտման մասին, սակայն իրանցիները չեն ընկրկում ուժի առջև։