Ղահրամանյանը՝ բերման ենթարկված անձանց մասին․ նոր մանրամասներ

«Ուժեղ Հայաստան» կուսակցության մամուլի խոսնակ Մարիաննա Ղահրամանյանը լրագրողների հետ զրույցում Մարիաննա Ղահրամանյանը տեղեկացրել է, որ ներկա պահին որևէ արձանագրություն առկա չէ, իսկ բերման ենթարկված հայրենակիցները շարունակում են ապօրինաբար մնալ անազատության մեջ։

Նա նշել է. «Սա փաստաբանները գնահատում են որպես նրանց իրավունքների կոպիտ խախտում, հիշեցնեմ՝ 17 անձ է բերման ենթարկվել, նրանք մեր աջակիցներն են, Սամվել Կարապետյանի աջակիցներն են, նրանց բերման ենթարկելու փաստը, նախորդ երկու օրերի զարգացումները վերահաստատում են, որ իշխանությունները գտնվում են խուճապի մեջ, իշխանությունները վախեցած են, փորձում են նմանատիպ գործողություններով ճնշում գործադրել։ Բերման ենթարկվածների հետ կապված որևէ կարգավիճակ չկա, որևէ արձանագրություն կազմված չէ, բերման ենթարկվածները 2,5 ժամ շարունակ գտնվում են ապօրինի անազատության մեջ»։