Լևոն Տեր-Պետրոսյանը հանդիպել է Իրանի դեսպանին

Հայաստանի Հանրապետության առաջին նախագահ Լևոն Տեր-Պետրոսյանն իր առանձնատանն ընդունել է Իրանի Իսլամական Հանրապետության արտակարգ և լիազոր դեսպան Խալիլ Շիրղոլամիին:

Տեղի ունեցած հանդիպման մասին տեղեկությունը հրապարակվել է առաջին նախագահի ֆեյսբուքյան էջում։ Մոտ երկու ժամ տևած քննարկման ընթացքում կողմերն անդրադարձել են երկու երկրների միջև առկա ջերմ հարաբերությունների պահպանմանն ու զարգացմանն ուղղված քայլերին։

«Շուրջ երկու ժամ տևած զրույցի ընթացքում արծարծվել են մեր երկրների ներկայիս ջերմ հարաբերությունների պահպանման եւ խորացման քայլերը, հիմնված հազարամյակների պատմություն ունեցող եղբայրական ժողովուրդների բարեկամական ավանդույթների վրա»,- նշված է տարածված հաղորդագրության մեջ։