Ցանկացած փորձ ձախողվելու է․ Իրանի նախագահ

Իրանի նախագահ Մասուդ Փեզեշքիանը հայտարարել է, որ երկրին սեփական կամքը պարտադրելու կամ հանձնվել ստիպելու ցանկացած փորձ ձախողվելու է։

Իրանի նախագահն ընդգծել է, որ իրենք չեն ձգտում պատերազմի կամ անկայունության։ Ըստ նրա՝ Թեհրանը մշտապես հավատարիմ է տարբեր պետությունների հետ երկխոսությանն ու կառուցողական համագործակցությանը։ 

Այդուհանդերձ, Փեզեշքիանը շեշտել է, որ Իրանի ժողովուրդը երբեք չի ընդունի հանձնվելու պարտադրանքը, և նման մոտեցումները դատապարտված են ձախողման։

Երկրի ղեկավարը նաև քննադատության է ենթարկել միջազգային համակարգում գործող կրկնակի չափանիշները։ Նա նշել է, որ այլ պետությունների դեմ իրականացվող ռազմական գործողությունները հակասում են աշխարհում ընդունված սկզբունքներին։

Իր խոսքի վերջում Փեզեշքիանը կոչ է արել ամրապնդել համերաշխությունը թշնամիների դեմ հանդիման։