ԱՄՆ-ն շոկային հայտարարություն է արել․ Իրանի նավահանգիստները շրջափակման մեջ են

ԱՄՆ կենտրոնական հրամանատարությունը (CENTCOM) հայտնել է Իրանի նավահանգիստների շրջափակման և ծովային առևտրային հոսքերի դադարեցման մասին: Ծովակալ Բրեդ Կուպերի խոսքով՝ ամերիկյան ստորաբաժանումները տարածաշրջանում հասել են բացարձակ ծովային առավելության, ինչը թույլ է տվել վերահսկել ռազմավարական նշանակություն ունեցող ջրային ուղիները։

Ամերիկյան կողմի փոխանցմամբ՝ վերջին 36 ժամվա ընթացքում իրականացված գործողությունների հետևանքով Իրանի ծովային առևտուրը լիովին կանգ է առել։ Ծովակալ Կուպերը փաստել է, որ սահմանված բլոկադան գործում է արդյունավետորեն՝ արգելափակելով բեռնափոխադրումները ինչպես իրանական նավահանգիստներից, այնպես էլ դեպի այդ ուղղություններով։

Իրադարձությունները զարգանում են Մերձավոր Արևելքում լարվածության աճի պայմաններում, երբ Միացյալ Նահանգներն ընդլայնում է իր ռազմական ներկայությունը տարածաշրջանի ջրային տարածքներում։ Թեհրանը դեռևս պաշտոնական մեկնաբանություն չի տվել Վաշինգտոնի հայտարարությունների վերաբերյալ, որոնք առնչվում են նավահանգիստների շրջափակմանը և առևտրային գործառնությունների դադարեցմանը։