Նավերը կարող են կալանավորվել. CENTCOM-ի զգուշացումը

ԱՄՆ Կենտրոնական հրամանատարությունը (CENTCOM) հայտարարել է Օմանի ծոցում և Արաբական ծովում՝ Հորմուզի նեղուցից արևելք ընկած հատվածում, բոլոր տեսակի նավերի տեղաշարժի նկատմամբ վերահսկողություն սահմանելու մասին: Ինչպես հաղորդում է Reuters գործակալությունը, համապատասխան ծանուցումն արդեն ուղարկվել է ծովագնացներին:

Ըստ CENTCOM-ի հայտարարության՝ ցանկացած նավ, որը կմտնի շրջափակված գոտի կամ դուրս կգա այնտեղից առանց հատուկ թույլտվության, կարող է կասեցվել, ուղղությունը փոխվել կամ կալանավորվել: Սա վերաբերում է բոլոր նավերին՝ անկախ նրանց դրոշից:

Միևնույն ժամանակ, ամերիկյան կողմը հստակեցնում է, որ սահմանափակումները չեն խոչընդոտի Հորմուզի նեղուցով չեզոք տարանցիկ անցումներին, եթե դրանք իրականացվում են դեպի ոչ իրանական ուղղություններ կամ հակառակը: