Telegram-ն ամբողջությամբ դադարել է աշխատել Ռուսաստանում

Ռուսաստանում Telegram մեսենջերի հասանելիության հետ կապված ցանցային խափանումների մակարդակը հասել է 100 տոկոսի՝ ըստ DownDetector մոնիթորինգային համակարգի տվյալների։

Վերջին մեկ ժամում գրանցվել է շուրջ 350 հաղորդում՝ հավելված մուտք գործելու խնդիրների վերաբերյալ։ Խափանումների ամենաբարձր ակտիվությունը եղել է ժամը 09:13-ին՝ 146 բողոքով։ Վերջին 24 ժամում ընդհանուր արձագանքների թիվը կազմել է մոտ 2,8 հազար։

Օգտատերերի մի մասը նշում է, որ խնդիրները չեն լուծվում անգամ VPN ծառայությունների կիրառմամբ։

Նշվում է նաև, որ մարտին Telegram-ի ղեկավար կազմը երկու օրվա ընթացքում արգելափակել է շուրջ 143 հազար խումբ և ալիք՝ ըստ հրապարակված վիճակագրության։