Ձեզ մավորում է ցածր IQ-ն. Թրամփ

ԱՄՆ նախագահ Դոնալդ Թրամփը Truth Social սոցիալական հարթակում գրառում է արել՝ կոշտ ձևակերպումներով անդրադառնալով լրագրողներ և մեկնաբաններ Թաքեր Կարլսոնին, Մեգան Քելլիին, Քենդիս Օուենսին և Ալեքս Ջոնսին։ Նա նշել է, որ նրանք տարիներ շարունակ հանդես են գալիս իր դեմ և պնդել, թե նրանց միավորում է «ցածր IQ»-ն։

Թրամփը գրել է նաև, որ նրանք, իր գնահատմամբ, աջակցում են այն գաղափարին, որ Իրանը կարող է միջուկային զենք ունենալ։ Նա նրանց անվանել է «հոգեպես անկայուն» և «խռովարարներ»՝ հավելելով, որ նրանք պատրաստ են ցանկացած հայտարարության՝ ուշադրություն գրավելու համար։ Նրա խոսքով՝ այդ մեդիա դեմքերից շատերը հեռացվել են հեռուստատեսությունից կամ կորցրել են իրենց հաղորդումները։

Գրառման առանձին հատվածում Թրամփը անդրադարձել է Թաքեր Կարլսոնին՝ պնդելով, որ վերջինս չի ավարտել քոլեջը։ Նա նաև գրել է, որ Կարլսոնին «գուցե արժե դիմել լավ հոգեբույժի»։