ՏԵՍԱՆՅՈՒԹ. Հզոր պայթյուն՝ Պանամայի ջրանցքի կամրջի տակ

Պանամայի ջրանցքը հատող կամրջի տակ տեղի է ունեցել հզոր պայթյուն և հրդեհ, որի հետևանքով վնասվել են երեք բենզատարներ։ Տեղեկությունը փոխանցել են հրշեջ ծառայությունից։ 

Նախնական տվյալներով՝ կամրջի տակ գտնվող տանկերի վրա սկզբում բռնկվել է հրդեհ, որից հետո տեղի է ունեցել պայթյուն։ Պայթյունի հետևանքով կրակը տարածվել է մոտակայքում գտնվող վառելիք տեղափոխող ավտոցիստեռների վրա։

Միջադեպի արդյունքում երեք մարդ է տուժել։ Երկու քաղաքացի երկրորդ աստիճանի այրվածքներով տեղափոխվել են հիվանդանոց, իսկ ևս մեկի ճակատագիրը դեռևս անհայտ է։ Դեպքից հետո ժամանակավորապես դադարեցվել է կամրջով տրանսպորտային երթևեկությունը։

Նշվում է նաև, որ ավելի վաղ պայթյուն էր տեղի ունեցել Քուվեյթի ափերի մոտ գտնվող տանկերի վրա։ Նախնական տեղեկություններով՝ անձնակազմը չի տուժել, սակայն պայթյունից հետո գրանցվել է նավթի արտահոսք բեռնատար հատվածից։