«ՀԱՄԱՍ»–ը կոչով դիմել է Իրանին

Պաղեստինյան շարժում ՀԱՄԱՍ-ը կոչ է արել Իրանին դադարեցնել հարևան Պարսից ծոցի երկրների վրա հարձակումները։

«Ալ Ջազիրա»-ի կողմից մեջբերված հայտարարության մեջ ՀԱՄԱՍ-ը ճանաչում է Թեհրանի ինքնապաշտպանության իրավունքը ԱՄՆ-ի և Իսրայելի հետ պատերազմում, բայց միևնույն ժամանակ կոչ է անում դադարեցնել Մերձավոր Արևելքում նոր հակամարտությունը։

«Ճանաչելով Իրանի Իսլամական Հանրապետության իրավունքը՝ արձագանքելու ագրեսիային միջազգային նորմերին և օրենքներին համապատասխան բոլոր հասանելի միջոցներով, շարժումը կոչ է անում իր եղբայրներին Իրանում զերծ մնալ հարևան երկրների վրա հարձակումներից», - ասվում է հայտարարության մեջ։

Պաղեստինյան խումբը կարծում է, որ տարածաշրջանի երկրները պետք է «համագործակցեն միմյանց հետ՝ ագրեսիան դադարեցնելու և եղբայրության կապերը պահպանելու համար»։