Իրանի հրթիռային ենթակառուցվածքներն ոչնչացված են․ Փիթ Հեգսեթ

ԱՄՆ պաշտպանության նախարար Փիթ Հեգսեթը հայտարարել է, որ Միացյալ Նահանգներն ու Իսրայելը Իրանի տարածքում ոչնչացրել են բալիստիկ հրթիռների արտադրությանն առնչվող ենթակառուցվածքը։ 

Նրա խոսքով՝ հարվածների հետևանքով խափանվել է այդ տեսակի սպառազինության արտադրական ամբողջ ներուժը։

Պենտագոնի ղեկավարի պնդմամբ՝ վնասվել կամ ոչնչացվել են հրթիռների բաղադրիչներ արտադրող ընկերությունները, ինչպես նաև դրանց հետ կապված շենքերը, արտադրական համալիրներն ու գործարանային գծերը՝ Իրանի տարբեր շրջաններում։ Ամերիկյան կողմը նաև նշում է, որ Թեհրանն այժմ օգտագործում է միայն նախկինում կուտակված հրթիռային պաշարները։

Ավելի վաղ ԱՄՆ նախագահ Դոնալդ Թրամփը հայտարարել էր, որ Վաշինգտոնին արդեն հաջողվել է ոչնչացնել Թեհրանի հրթիռների մեծ մասը, ինչպես նաև բազմաթիվ անօդաչու թռչող սարքեր և դրանց արտադրությանը ծառայող գործարաններ։ Նրա խոսքով՝ ԱՄՆ գործողությունները կատարվում են մեծ ուժգնությամբ։