Սպիտակ տունը հայտնել է՝ որ դեպքում ԱՄՆ–ն կավարտի Իրանի դեմ ռազմական գործողությունը

Նախագահ Թրամփը չի սպասում, որ իրանական ռեժիմը ինքնուրույն կհամաձայնվի հանձնվել, այս մասին լրագրողների հետ զրույցում հայտնել է Սպիտակ տան մամուլի խոսնակ Քերոլայն Լևիթը։

«ԱՄՆ ռազմական գործողությունը կավարտվի միայն Իրանի անվերապահ հանձնվելու դեպքում... Եվ նախագահ Թրամփը ինքը կորոշի, թե ինչն է համարվում հանձնվել։ Նավթի և գազի գների աճը ժամանակավոր է, և երկարաժամկետ հեռանկարում [Իրանում] գործողությունը կհանգեցնի գների անկման», - ասել է Սպիտակ տան մամուլի քարտուղարը։