40 աստիճան, հրդեհների վտանգ և միլիարդավոր եվրոների վնաս․ Ֆրանսիան շոգի ճիրաններում

Ֆրանսիայում հուլիսի 28-ից սկսված շոգի ալիքը շարունակվում է արդեն 23 օր՝ հավակնելով դառնալ երկրի պատմության մեջ ամենաերկարատևներից մեկը։

Օդերևութաբանական տվյալների համաձայն՝ ընթացիկ 2026 թվականին Ֆրանսիայում արձանագրվել է ավելի քան 50 շոգ օր, ինչը գերազանցում է 2022 թվականի (33 օր) և 2003 թվականի (22 օր) ցուցանիշները։ Առանձին շրջաններում ջերմաստիճանային ֆոնը հասել է 38-40 աստիճանի։ 

Բարձր ջերմաստիճանի և անտառային հրդեհների բռնկման մեծ ռիսկայնության պատճառով տասնյակ դեպարտամենտներում հայտարարվել է վտանգավորության նարնջագույն մակարդակ։ Ֆրանսիայի իշխանությունների նախնական հաշվարկներով՝ այս ամառ պարբերաբար կրկնվող շոգի ալիքների պատճառած վնասը կարող է երկրի համար կազմել 10-15 միլիարդ եվրո։