ԱՄԷ-ն հերքում է Իրանին հարվածելու լուրերը

Արաբական Միացյալ Էմիրությունների բարձրաստիճան պաշտոնյան The Jerusalem Post-ին հայտարարել է, որ իր երկիրը ներգրավված չի եղել իրանական աղազատման կայանի ուղղությամբ իրականացված հարվածին։

Պարբերականի տեղեկություններով՝ ԱՄԷ-ն պատերազմի մեջ մտնելու դեպքում չէր հարվածի քաղաքացիական թիրախի, այլ կհարվածեր ռազմական օբյեկտի։ Իսրայելի պաշտպանության բանակը նույնպես հերքել է իր մասնակցությունը տվյալ հարվածին։

Հիշեցնենք, որ ավելի վաղ տեղեկություններ էին տարածվել, թե Արաբական Միացյալ Էմիրությունները հարվածել են իրանական աղազատման կայանին։ Այդ դեպքում դա կլիներ նրանց առաջին պատասխան գործողությունը իրանական անօդաչու թռչող սարքերի և հրթիռային հարձակումների դեմ՝ Իսրայելի և ԱՄՆ-ի կողմից իսլամական վարչակարգի դեմ մղվող պատերազմի շրջանակում։