Իսրայելը հարձակում է սկսել Իրանի վրա. Թեհրանում պայթյուններ են
Թեհրանում պայթյուններ են գրանցվել։ Ըստ ԶԼՄ-ների՝ Իսրայելը հարվածել է Իրանին։ Հրեական օդուժն Իրանում հարվածներ է հասցրել մոտ 30 թիրախների, այդ թվում՝ Իրանի նախագահի նստավայրին և հետախուզության շտաբին, գրել են ԶԼՄ-ները։
Իսրայելը փակել է իր օդային տարածքը: Իսրայելական ԶԼՄ-ները գրում են՝ սա համատեղ ամերիկա-իսրայելական օպերացիա է։ Իսրայելում արտակարգ վիճակ են հայտարարել՝ Իրանից ակնկալվող պատասխան հարվածի ֆոնին. փակվել են դպրոցները, արգելվել հավաքները, մարդկանց հորդորել են մնալ տներում։
Իսրայելի կողմից Իրանի նախագահ Մասուդ Փեզեշկիանի դեմ մահափորձ է եղել։
Իրանի վրա հարվածը նկարագրվում է որպես իսրայելա-ամերիկյան համատեղ գործողություն, հայտնել է N12-ը։ Իսրայելի օդային հարվածների երկրորդ ալիքն է սկսվել։
